பிரதமர் மோடியின் கரங்களில் இந்தியாவின் எதிர்காலம் பாதுகாப்பாக உள்ளது - ஜோதிராதித்ய சிந்தியா

" alt="" aria-hidden="true" />

 

புதுடெல்லி:

மத்திய பிரதேசம் மாநிலத்தில் முதல் மந்திரி கமல் நாத்துக்கு எதிராக போர்க்கொடி உயர்த்திய ஜோதிராதித்ய சிந்தியா டெல்லியில் ஜே.பி.நட்டா முன்னிலையில் இன்று பாஜகவில் இணைந்தார்.

அப்போது செய்தியாளர்களிடையே பேசிய ஜோதிராதித்ய சிந்தியா கூறியதாவது:-

மக்களுக்கு சேவை செய்வதே எனது குறிக்கோள். இதை நிறைவேற்றுவதற்கான வாய்ப்பாகத்தான் அரசியலை நான் பார்க்கிறேன்.

காங்கிரஸ் கட்சி முன்பிருந்ததைப்போல் இப்போது இல்லை. யதார்த்த நிலமைகளை ஏற்பதற்கு அக்கட்சி மறுக்கிறது. முன்னர் இருந்த அமைப்பில் (காங்கிரஸ்) இருந்தவாறு எனது மக்களுக்கு சேவை செய்ய இயலாத நிலையைக்கண்டு நான் வேதனை அடைந்தேன்.

மக்களுக்கு சேவையாற்ற ஒரு தளத்தை அமைத்து தந்ததற்காகவும்
பாஜக குடும்பத்தில் இணையுமாறு எனக்கு அழைப்பு விடுத்தமைக்காகவும் பிரதமர் நரேந்திர மோடி, உள்துறை மந்திரி அமித் ஷா, பாஜக தலைவர் ஜே.பி.நட்டா ஆகியோருக்கு எனது நன்றியை தெரிவித்துக் கொள்கிறேன்.

பிரதமர் நரேந்திர மோடியின் கரங்களில் இந்தியாவின் எதிர்காலம் பாதுகாப்பாக உள்ளதாக நான் உணர்கிறேன்.

இவ்வாறு அவர் பேசினார்